افغانستان

اخبار افغانستان

بخش : اخبار -+ نسخه قابل چاپ نسخه قابل چاپ

زمان انتشار : شنبه, 22 میزان , 1391 لینک کوتاه خبر :

انتقال 15 زندانی افغان از تاجیکستان به کابل

عبدالغفور آرزو این زندانیان براساس توافق نامه دوجانبه بین افغانستان و تاجکستان امروز به کابل انتقال داده می شوند.

سفارت افغانستان در تاجیکستان اعلام کرده است که مراحل انتقال حداقل 15 زندانی افغان در تاجیکستان نهایی شده و این زندانیان به کابل انتقال داده می شوند.
عبدالغفور آرزو سفیر افغانستان در شهر دوشنبه پایتخت تاجیکستان به خبرنگاران گفت: “این زندانیان براساس توافق نامه دوجانبه بین افغانستان و تاجکستان امروز به کابل انتقال داده می شوند.”

ولایت های بدخشان، تخار و قندوز 1300 کیلومتر مرز مشترک با تاجیکستان دارد که رفت و آمد شهروندان افغانستان به این کشور بیشتر از مرز زمینی صورت می گیرد.
مرز میان تاجیکستان و افغانستان از مهمترین مسیرهای عبور کاروان‌ های تدارکاتی برای نیروهای خارجی در افغانستان نیز به شمار می‌رود.
گذرگاه بین افغانستان و تاجیکستان در جریان ده سال گذشته همواره با چالش های روبرو بوده است.
در شروع سال روان، این گذرگاه به دلیل جلوگیری از رفت و آمد شورشیان به خاک تاجیکستان و افغانستان بسته شد.
حکومت تاجیکستان نیز، عملیاتی گسترده ای را در نزدیک سرحدات افغانستان آغاز کرد که هدف از آن سرکوب مخالفان مسلح دولت این کشور خوانده شد.
گزارش ها حاکیست که مرز بین افغانستان و تاجیکستان از مهمترین مسیرهای قاچاق مواد مخدر از افغانستان به روسیه و کشورهای غربی به شمار می‌رود.
با این حال، عبدالغفور آرزو سفیر افغانستان در شهر دوشنبه می گوید، زندانیانی که امروز به حکومت افغانستان سپرده شده به اتهام جعل اسناد، قاچاق مواد مخدر و عبور غیر قانونی از مرز محکوم به زندان شده اند.
گفته می شود این زندانیان زمان باقی مانده محکومیت شان را در زندان های افغانستان سپری می کنند.
در همین حال، قرار است شماری از زندانیان تاجیکستانی که در زندان های افغانستان بسر می برند، به حکومت تاجیکستان تسلیم داده شوند.
مقام های دولتی در کابل می گویند که 13 زندانی تاجیکستانی در زندان های افغانستان زندانی هستند که چند روز پیش 3 تن انان به تاجیکستان انتقال داده شدند.
انتظار می رود که توافق نامه دوجانبه بین افغانستان و تاجیکستان، زمینه انتقال تمامی زندانیان افغانستان و تاجیکستان را به کشور متبوع شان فراهم کنند.
سفیر افغانستان در تاجیکستان تایید کرده است که دوسیه های انتقال 17 زندانی دیگر افغان در تاجیکستان نهایی شده و تا چند روز دیگر این شمار از زندانیان نیز به حکومت افغانستان سپرده خواهد شد.

یادداشت
ویدیو
بین الملل
خواندنی
گزارش تصویری
پربازدیدها
    آخرین اخبار