داکتر عبدالله عبدالله در جریان سفر به ولایت لغمان از پوهنتون این ولایت با هیئت همراه٬ احمدسیر مهجور معاون وزارت تحصیلات عالی و والی ولایت لغمان دیدن نمود.
در این دیدار رییس اجراییه با مسوولین پوهنتون و محصلیان صحبت کرد و به خواست‌های آنان گوش داد. مسوولین پوهنتون لغمان در باره برنامه‌های توسعوی پوهنتون و فاکولته‌های مختلف به رییس اجراییه توضیح دادند.
رییس اجراییه در جریان این دیدار وعده سپرد تا سرک منتهی به پوهنتون از شهر قیرریزی شود و به خواست‌های مسوولین پوهنتون رسیده‌گی نماید.
